2sonT bandak hiltzeko sena garatu du

Doneztebeko 2sonT hardcore/metal taldeak Matar lan laburra askatuko du 2025. urte hasieran. Zazpi abestikoa izango da; bost berri, bertsio bat eta remix bat.

Aurrerapen moduan, Sado II abestia estreinatu dute jarraian ikus dezakezuen bideoarekin:

Joseba Juanena taldekideak grabatu du, eta Jorge Mariñelarenak nahastu eta masterizatu.

Nafarrek iazko maiatzean argitaratu zuten bandaren izen bereko lehen diskoa.

Sutan, Erru Gabe, Eko4, Muxu Beltza eta Kurkuma bandetan ibilitako sei musikarik osatzen dute.