Addar taldeak 'Lurra ukitu' du gitarrekin

Bermeoko Addar hard rock bandak aleka dihardu abesti berriak aurkezten. Lurra ukitu da hirugarren singlea, eta gitarrak presentzia nabarmena du. Gainera, Keu Agirretxea musikariak parte hartu du.

Asier Allikak egindako bideokliparekin aurkeztu dute.

Aurkezten ari diren kanta berriak Bilboko Koba estudioan grabatu dituzte Xanperekin.

Beste bi singleak jarraian entzun eta ikus ditzakezue:

Addar - Ezin ulertu

Addar - Lehertu da

Addar banda 2018. urte inguruan sortu zuten Bermeon. Aurretik beste bandetan ibilitako lau musikarien abentura berria da. Ordutik, hainbat lan plazaratu dituzte: Sugarra (EP, 2020), Errautsak (CD, 2021), Suge (Singlea, 2021), Gordinik (CD, 2022) eta Otsaila (Single, 2024). Laukotea, berriz, musikari hauek osatzen dute: Asier Allika (gitarra), Mikel Omagogeaskoa (baxua eta koroak), Gorka Padrones (ahotsa eta gitarra) eta Imanol Rodriguez (bateria).