Auritz: aldaketak eta lan berria 2025ean

Bizkaiko Auritz heavy/power metal taldeak 2025era arte atzeratu du bigarren diskoaren argitalpena. Gainera, beste izenburu bat izango du: Dragoi Beltzaren Kluba. 

Datozen hilabeteetan sormen lana findu eta estudiora sartuko dira grabatzera. Dena dela, lan berria plazaratu aurretik itzuliko dira taula gainera.

Boskoteak aldaketa bat izan du. Oier de Pedro bateria jotzaileak banda utzi zuen, eta Alex Rodriguesek (Dravernue ohia) hartu du bere lekua. Gainerako lau kideak hauek dira: Mikel Bizar (ahotsa), Gorka Bizar (gitarra eta koroak), Kapi Guarrotxena (gitarra eta ahotsak) eta Jorge Murillo (baxua).

2018an kaleratu zuten Laino eder hori lehen diskoa, trilogia baten aurreneko atal gisa aukeztu zutena. Ordea, ez dute argitu ideia hori mantenduko duten. Dena dela, Dragoi Beltzaren Kluba bigarren atala izango da.

Estreinako lan hartako hiru bideoklipak jarraian ikus ditzakezue:

Auritz - Zin dagizut

Auritz - Nahi

Auritz - Uren kantua