Bourbon Kings bandak 'Haka' singlea jauzika dakar

Atarrabiako Bourbon Kings nu metal taldeak hilabete eskas barru argitaratuko du Pay To Win laugarren diskoa. Otsailaren 7an jarriko dute salgai Art Gates Records zigiluaren bidez.

Zazpi abestiko lana izango da, eta horietatik bi aurreratu dituzte. Haka da bigarrena, eta Mikel Lebronek zuzenduriko bideoklip esanguratsu batekin estreinatu dute:

Disko berria Alex Cappak ekoiztu du Metropol Studios-etan, eta ahotsak El Sotano estudioan grabatu zituzten Iker Piedrafitarekin. Azala, berriz, Jon Bourb On taldekideak egin du.

01. Tonight
02. El Espejo
03. Haka
04. Cada Cicatriz
05. Tu Mundo
06. Antítesis
07. Limbo

Azaroaren erdialdean, Tonight aurrerapen singlea aurkeztu zuten. Shouse bikotearen Love Tonight abesti ezagunaren melodia du oinarri. 

Lebronek berak errealizatu eta Irantzu Del Vallek zuzenduriko bideoklipa jarraian ikus dezakezue.

Bost musikarik osatzen dute Bourbon Kings: Aaron DB (ahotsa), Julen Dread (gitarra), Mash Up Paik (samplerrak eta programazioak), Jon Bourb On (baxua eta ahotsa) eta David Topper (bateria).