Burni Jotzailek taldeak estreinako maketa kaleratu du

Tolosako Burni Jotzailek heavy metal bandak lehen maketa plazaratu du. Zazpi abesti ditu eta momentuz ez dute sareratu. Alegia, formatu fisikoan eskuratu behar da entzun ahal izateko.

Estreinako grabazioa Tolosako Amarotz auzoko musika lokaletan egin zuten pasa den udan. Beraiek honela aurkeztu dute: "Rocka zainetan daukagula garbi geratzen da letretan, eta ez dugula inungo errukirik politikariekin, erregetoiarekin edota inguruan dagoen gizarte ustelarekin".

Azala eta kanta zerrenda jarraian topatuko dituzue:

01. Thin Lizzytarrak
02. Etsi gabe
03. Zurrakapotia
04. Madarikatuak
05. Gasolina
06. Anikileitor erregetoia
07. Barockstil

Burni Jotzailek taldea 2023an sortu zuten beste hainbat proiektutan ibilitako bost musikarik: Aitor (ahotsa), Aratz (gitarra), Juanan (gitarra), Igor (baxua) eta Ibai (bateria).