Eguberri on, metal doinuekin

Euskal Herriko heavy metal talde batzuen ohitura da Gabon kantak edo moldaketak egitea. Horietako bi dira Sugoi eta El Reno Renardo bizkaitarrak. 2024a bukatu baino lehen, abesti bana plazaratu dute.

Elorrioko Sugoi heavy metal bandak Olentzero eta astoa (Pirritx, Porrotx eta Marimotots) kantaren bertsio bikaina egin dute, bestelako lizentziak hartuta.

Bilboko El Reno Renardo umorezko metal taldeak, berriz, Satan Klaus abesti propioa aurkeztu du, aurretik egindakoekin alderatuta, askoz ere lasaiagoa.

Aipaturiko bi taldeek Gabon kanta gehiago dituzte, sarean entzungai eta ikusgai dituzuenak.