Elbereth taldeak 'Jarraitzaile bila' singlea aurkeztu du

Legazpiko Elbereth metal bandak urriaren 4an plazaratuko du Omen bosgarren diskoa. Basque Metal Country zigiluaren babesa izango dute, berriz ere. 

Lan berriaren xehetasunak iragarri ondoren, Jarraitzaile bila singlea aurreratu dute letren bideo batekin.

Gipuzkoarren ibilbideko lanik esanguratsuena eta sentituena da. Batetik, euskal atsotitz edo esaera zahar ezagun bat da oinarria: Izena duen guztia omen da. Bestetik, iazko martxoan zendu ziren Andoni Zabaleta eta Igor Iñurritegi lagunak omendu nahi dituzte.

Bederatzi abestiko diskoa Bergarako ESnSE estudioetan grabatu dute. Azala eta diseinua, berriz, Eneko Maiz diseinatzaile eta taldekide ohiak egin du.

01. Omen
02. Gau ilun batean
03. Sorginak
04. Bidelagun
05. Apostasia
06. Jarraitzaile bila
07. Begi izkutua
08. Izarrak
09. Argia itzali da