Hortzak taldeak aldaketa batekin abiatu du urtea

Euskal Herriko Hortzak sludge metal bandak laukotea berritu du. Txomin Laka baxu jotzaileak uztea erabaki du arrazoi pertsonalengatik. Ordezkoa, berriz, Mikel Cuesta (Tudetuz, IONT ohia) da. 

Gainerako hiru kideak Paul Urkijo abeslari eta zinemagilea, David Zabala gitarrista eta Asier Gabiola bateria jotzailea dira.

Sare sozialetan ohar bat plazaratu dute:

"Modu ofizialean jakinarazi nahi dugu Txominek Hortzak taldeko baxu-jole postua utziko duela. Elkarrizketa zintzo eta ulerkor baten ondoren, gaur egungo bere konpromiso eta erantzukizun pertsonalek bandari behar duen denbora eskaintzea eragozten diotela uste dugu. Eskerrik asko zure dedikazioagatik eta egindako ekarpenagatik. Txomin funtsezko pieza izan da gure proiektu musikalean, eta onena opa diogu bere hurrengo bidean. Aldi berean, atsegin handiz iragarri nahi dugu Mikel Cuesta Hortzak taldeko baxu-jole berria izango dela. Ziur gaude bere energia eta talentua emango dituela gure soinua garatzen jarraitzeko. Txominek gure familia musikalaren parte izaten jarraituko du, eta trantsizio hau guztiontzat ahalik eta naturalena eta positiboena izatea espero dugu. Aurrera infernuko txakurrak!"

Duela egun batzuk jakinarazi moduan, taldea bigarren diskoa grabatzen ari da Bergarako Auryn Studios-etan. Heriotza ala hil estreinakoa 2020an argitaratu zuten, eta jarraian entzun dezakezue: