Irkaia bandak 'Nintzena baino gehiago' abestia aurkeztu du

Lizarrako Irkaia metal taldeak apirilean iragarri zuen agurra, baina ez zuten esan musika berririk aurkeztuko zutenik. Nintzena baino gehiago kanta berria sareratu dute.

Maiatzaren 13an Lizarrako La Bota peñan emango dute agurreko lehen kontzertua, Lotura bandarekin batera.

Nafarrek metala, hardcorea eta elektronika nahastuta eta euskaraz abestuta lortu dute zeresana ematea. Zortzi urtutan bi disko eta single batzuk argitaratu dituzte. Irkaia estreinako lana 2017an kaleratu zuten –hemen irakur dezakezue gure kritika–, eta Ideiekin Liskarretan bigarrena 2021ean –hemen duzue lan honen kritika ere–. Boskotea elkarrizketatzeko aukera izan genuen 2021ean, eta orduan aitortu ziguten pandemian uztear izan zirela. Azkenik, hori da egingo dutena.