Itinerum taldeak genero indarkeria du hizpide

Gipuzkoako Itinerum bandak ekainean argitaratuko du bigarren diskoa. Jorratzen duten metal gotiko eta alternatiboarekin beste urrats bat egin nahi dute.

Oraindik ez dute izenburua argitu, baina bigarren singlea aurkeztu dute: My serenity. Genero indarkeriari buruzkoa da abestia, eta letren bideo batekin estreinatu dute:

Une honetan, lana borobiltzen ari dira Pedro J. Mongerekin Asuako Chromaticity Studios-etan. Aurretik, Inequality singlea kaleratu zuten bideoklip batekin.

Laukotea egonkortu osteko lehen emaitza izango da bigarren diskoa. Itinerum musikari hauek osatzen dute: Anne (ahotsa), Fede (gitarra), Jorge (baxua) eta Ruben (bateria).

Dream and Fly (Demons Records) estreinako diskoa 2023ko urtarrilean argitaratu zuten, eta lan horren inguruko kritika hemen irakur dezakezue.