Izan Bai bandak prest dauka 'Dena galdu baino lehen' diskoa

Gipuzkoako Izan Bai heavy metal taldeak urtarrilaren 31n kaleratuko du Dena galdu baino lehen estreinako diskoa. Bederatzi abesti izango ditu, eta horietako hiru aurreratu dituzte.

Hain zuzen ere, Dudan dena zugatik hirugarren singlea aurkeztu dute, orain arteko bereziena. Segidan ikus dezakezue bideoklipa:

Zumaiko Ozen estudioan grabatu dute lana, Jurgi Taboadaren gidaritzapean. Azalaren diseinua, berriz, Kuku Maitiak egin du.

01. Barne borroka
02. Izan bai
03. Heriotz minez
04. Damuaren dama
05. Sustraiak egarri
06. Sutan nago
07. Onarpen eske
08. Dudan dena zugatik
09. Dena galdu baino lehen

Beste bi aurrerapenen bideoklipak jarraian topatuko dituzue:

Izan Bai - Sustraiak egarri

Izan Bai - Barne borroka

Izan Bai banda Ixak Arruti (Mendeku Itxua, Izeberg) abeslari eta gitarristaren abentura berria da:  "Musikalki, etxera bueltatzearen antzekoa izan da. Sustraietara itzuli naiz. Izan ere, proiektu honek heavy metala du oinarri, baina azken urteotan jasotako esperientzia aberasgarriaren eta heldutasun musikalaren emaitza da".

Lagun zein musikari onez inguratu da: Martin Larrañaga (bateria), Ibon Aginaga (gitarra) eta Urtzi Olaziregi (baxua). Aipaturikoen curriculuma ere ez da nolanahikoa: Mendeku Itxua, Soa, Kraussk, Hira eta Kudai, besteak beste.