Joan-etorriak: Oxida, Addar, Blast Wave

Euskal Herriko heavy metal eta hard rock talde batzuetan eman diren joan-etorriak topatuko dituzue jarraian.

Gipuzkoako Oxida death'n'roll bandak laukotea berritu du. Xabier Etxeberria (Elbereth) bateria jotzaileak berrosatu du taldea. Villabonako Hellbona jaialdian egin zuen debuta, eta prest dago hurrengo kontzertuetarako. War bateria jotzaile ohiari eskerrak eman dizkiote, bi urtetan elkarrekin emandako zuzenekoengatik. Gainerako hiru taldekideak Urko (ahotsa) Albi (gitarra) —Elbereth taldeko kide ere badena— eta Raff (baxua). 

Bermeoko Addar hard rock taldeak kide berria aurkeztu du. Erromoko Mikel gitarrista fitxatu dute laukotea sendotu eta Eztenak EP berria aurkezteko. Durangoko Azokan kaleratuko dute lan laburra.

Irungo Blast Wave power metal bandak aldaketa batzuk izan ditu azken urteotan. Mikel Iraguik (Patxa) utzitako lekua, Jose Ignacio bateria jotzaileak bete du.