Kimule taldeak 'Eskorgatra' estreinako diskoa plazaratuko du

Suhuskuneko Kimule death/groove metal banda eraldatuta itzuli da. Izan ere, duela hamar urte elkartu ziren Kink Mullet izenpean. Aldaketak aldaketa, irailean Eskorgatra estreinako diskoa kaleratuko dute.

Iñaki Plaa (Ztah, Titan) musikari eta teknikariarekin grabatu dute. Zortzi abesti izango ditu lanak, eta horietako bi aurreratu dituzte:

Kimule - Muleta

Kimule - Boga

Honela aurkeztu dute diskoa: "Erreka ahantziari gorazarre, muleta ile mozturari sustengu, mardotsadun fruituer omenaldi, Kimulek publikoa elkarretaratu nahi du, maiz ahantziak, edo nahitara bazter utziak diren funtsezko gai batzuen inguruan. Baina segurtatu nahi baduzu, zauri Kimuleren kontzertuetara. Nahi duenarentzat oro, bazizkor eskorgatrak banatuak izanen dira...".

Bost musikari hauek osatzen dute Kimule taldea: Pettan Prebende (ahotsa), Nicolas Ruitz (ahotsa), Eñaut Costera (gitarra), Camille Milhac (gitarra eta baxua) eta Remy Milhac (bateria). Milhac anaiak Torheit taldeko kideak ere badira.