Koba Live: 2025eko jaialdia irailean egingo dute

Abadiñoko Koba Live jaialdia laugarrenez egingo dute 2025ean. Sugaar musika elkarte antolatzaileak baieztatu du, baina aldaketak ere iragarri dituzte. Izan ere, egun bakarrekoa izango da, eta normalean baino beranduago: 2025eko irailaren 20an.

Egun bakarrean, nazioarteko eta Euskal Herriko metal banda esanguratsu batzuk elkartzen ahaleginduko dira.

Gogora dezagun hirugarren edizioa ekainaren 21ean eta 22an izan zela, eta izen handiko taldeek parte hartu zutela. Besteak beste, Dark Tranquillity, Metallium, Rise To Fall, Crisix, Skeletoon, Bloodred Hourglass eta Alerta.