Mosh bandak "Entre mis manos" laugarren singlearen bideoklipa aurkeztu du

Nafarroako Mosh metal taldeak Vértigo hirugarren diskoa argitaratuko du irailaren 10ean, Maldito Records diskoetxearekin. Azken hilabetetan hainbat kantu aurreratu dituzte, eta, orain, lan berria plazaratzeko gutxi falta denean, Entre mis manos abestiaren bideoklipa aurkeztu dute.

Diskoak hamar abesti izango ditu, eta Madrilgo The Metal Factory Studios-etan grabatu dute Alex Cappa eta Pablo Rousselon ekoizleen gidaritzapean. Azala, berriz, Guillem Bosch artistak egin du.

Aurreratu dituzten beste lau abestiak ondorengoak dira:

Mosh - No Busques Problemas

Mosh - Heridas

Mosh - Tiembla El Destino

Mosh - Viejos Perros

Boskoteak hiru lan plazaratu ditu orain arte: Con el agua al cuello (EP, Maldito Records, 2014), Impune (CD, Maldito Records, 2015) eta El filo (CD, Maldito Records, 2017). Horietan guztietan, metala, rocka eta hardcorearen arteko nahasketa jorratu dute, eta lan berrian ere bide beretik jarraituko dutela dirudi. Aldiz, banda Iñaki (ahotsa), Bruntxo (gitarra), Gorka (gitarra eta koroak), Diego (baxua) eta Jorge (bateria) musikariek osatzen dute.