NameOff bandak erruduntzat jo du bere burua

Gasteizko NameOff taldeak Gu errudun single berriarekin estreinatu du 2025. urtea. Berpizte bigarren diskoaren aurrerapena da, eta zuri-beltzeko bideoklip batekin aurkeztu dute.

"Autoinkulpazioan eta erantzukizun pertsonalean sakontzen du kantak. Gertatzen zaigun ia guztian, norberaren erabakiek berebiziko garrantzia dute", adierazi dute arabarrek. Musikalki, berriz, metal alternatiboa du oinarri, rock eta hardcore zertzeladekin.

Lan berria Gasteizko Silverstars Studios-etan grabatu dute Iker Bengoaren gidaritzapean, eta ez dute iragarri noiz argitaratuko duten. 

Gaur egun, lau musikarik osatzen dute NameOff banda: Sergio Sesi (ahotsa), Sergio Quijano (gitarra), Dani Landa (bateria) eta Jon Aginako (baxua).

2021ko abuztuan kaleratu zuten Kenopsia lehendabiziko diskoa: