Nukore taldearen ustez ez dugu beste planetarik behar

Gasteizko Nukore metal/hardcore laukotea aleka aurkezten ari da The Blackout disko berriko abestiak. Azaroaren 15ean kaleratuko dute, baina dagoeneko lau dira entzungai jarri dituzten kantak.

Planet B da laugarrena, eta ironiaz beteriko kritika bat egiteko baliatu dute. Izan ere, ironikoa iruditzen zaie beste planeta batzuetan bizitzarik ba ote den bila ibiltzea, gure planeta suntsitzen ari garen bitartean.

Alvaro Forondak zuzenduriko bideoklip batekin aurkeztu dute:

Seigarren diskoa Iker Bengoarekin grabatu dute haren Gasteizko Silverstar Studios-etan. Mario C Vaises artistak egin du azala, eta abesti zerrendarekin batera ikus dezakezue jarraian.

01. Hunger Games
02. Hate Is A Burden
03. Pay & Obey
04. Planet B
05. Lost
06. War Dog
07. This Light Of Mine
08. Don't Do It!

Aurreratu dituzten beste hiru singleak hauek dira:

Nukore - Lost

Nukore - Hate ia s Burden

Nukore - Hunter Games