Orion Child taldea utzi du sortzaileetako batek

Durangoko Orion Child power metal bandak jakinarazi duenez, Oier Calvo Jones gitarristak kide izateari utzi dio. Taldearen sortzaileetako bat izan zen, eta arrazoi pertsonalek bultzatuta hartu du erabakia. 

Sare sozialetan hitz hauek eskaini dizkiote taldekide ohiari:

"Eztarrian korapilo batekin, zorterik onena opa behar diogu, eskerrak eman behar dizkiogu urte hauengatik guztiengatik, hainbeste pasadizo eta une handiengatik, eta duela 20 urte baino gehiago sortu zen eta familia bihurtu gintuen ideia zoro honen funtsezko parte izateagatik. Bera gabe ez zatekeen Orion Child existituko, beraz, zalantzarik gabe, beti izango da honen parte, eta lagun bat, anaia bat baino gehiago izanik, mila abentura konpartitzen jarraituko dugu, zergatik, musika aldetik taldetik bananduta egon arren, beti egongo gara elkartuta eta beste mila une partekatuko ditugu. Milesker Jones guztiagatik. Zorte on! 

Eman daitekeen albisterik tristeenetako bat izanik, lasaitasunik handiena helarazi nahi dizuegu; izan ere, pieza funtsezkoa eta ordezkaezina izan arren, dagoeneko badugu, jada, taldearen gitarrista berria izango dena, eta laster ezagutuko duzue. Honek aurrera jarraitzen du, Orion Childek aurrera jarraitzen du gure indar guztiekin, eta beti egin dugun bezala, gure pasio honengatik borrokan eta borrokan jarraituko dugu".

Ordezko gitarrista ordu gutxira iragarri dute. Sito (Ymotek ohia) da taldekide berria.

Bestalde, irailean Jon Koldo Tera (Incursed, Vhäldemar) teklatu jotzailearen agurra iragarri zuten.

Gogoratu behar da bizkaitarrek Aesthesis (Art Gates Records) laugarren diskoa kaleratu zutela maiatzaren 17an.