Patxa abeslariak boskotea osatu du

Bizkaiko Javier Navarro Patxa abeslariak, azkenean, lau musikari izango ditu alboan. Laukotea aurkeztu ondoren, bosgarren kide bat fitxatu du banda egonkortzeko: Jon Plagaro gitarrista.

Horrela, bost musikari hauek osatuko dute taldea: Patxa (ahotsa), Jose Prieto Kasta (gitarra), Jon Plagaro (gitarra), Jose Felix Melsió Chefy (baxua) eta Mikel Iragui (bateria).

Just Heavy Metal izango da beraien lehen diskoa, eta Jose Antonio Vives ilustratzaileak egindako azala jarraian ikus dezakezue.

Asuako Chromaticity Studios-etan grabatu dute, Pedro J. Mongeren (Vhäldemar) gidaritzapean, eta Maldito Records diskoetxearen bidez kaleratuko dute.

Orain arte, bi abesti aurreratu dituzte, eta laster hirugarren bat estreinatuko dutela iragarri du Patxak.

Patxa - Sacred Elf

Patxa - Steel Soul

Abeslari bizkaitarrak urte asko daramatza heavy metalgintzan. Gaur egun, Ad Eternum taldeko abeslaria da, eta aurretik Valhalla, Adgar eta Aftershock bandetan ibili zen.