Shallow Waters taldeak zuzeneko berezi bat aurkeztu du

Gipuzkoako Shallow Waters boskotea Bergarako Auryn Studios-etan elkartu zen pasa den abenduan, errepertorioko abesti batzuk zuzenean grabatzeko. Bandaren zuzeneko esentzia erakusteko helburuarekin, soinua eta irudia grabatu zituzten. 

Orain, emaitza aurkeztu dute, beraien bi diskoetako lau abestiz osaturiko emanaldia. Taldearen Youtube kanalean ikus eta entzun dezakezue zuzeneko berezia.

Urtarrilaren 16tik aurrera, plataforma digitaletan ere entzun ahal izango dela iragarri dute.

Gipuzkoarrek martxoaren 1ean plazaratu zuten All Colours Blur To One (Meuse Music Records) bigarren diskoa. Post black metala oinarri gisa hartuta, doom/death melodikoa barneratu dute kanta berrietan. 

Herriko Burdinak boskoteari egindako elkarrizketa hemen irakur dezakezue.