Sinner Rage taldeak 'Fire's On' singlea estreinatu du

Gasteizko Sinner Rage heavy metal bandak otsailaren 21ean kaleratuko du Powerstrike iraupen luzeko lehen diskoa. Alemaniako Dying Victims Productions zigilua arduratuko da argitalpenaz.

Dagoeneko bi abesti aurreratu dituzte, eta Fire's On izeneko bigarrena bideoklip eder batekin estreinatu dute Youtubeko NWOTHM Full Albums kanal ezagunean.

Zortzi abesti izango ditu LPak, eta udan grabatu zuten Bartzelonako Moontower Studios-etan. Azala, berriz, Lena Richter ilustratzaileak egin du.

01. Powerstrike
02. Silent Thunder
03. Highway Knights
04. Chained by Night
05. Fire's On
06. Angel of Combustion
07. Call of the Wind
08. Dangerous Attraction

Diskoko azken abestia da aurreratu zuten lehen kanta:

Bost musikarik osatzen dute Sinner Rage taldea: Aritz Martinez (ahotsa), Aritz Yarza (gitarra), Jara Solis (gitarra), Dan Speedhammer (baxua) eta Javi Riñones (bateria).