Sorhots laukoteak mugarik gabeko estreinako lana entzungai jarri du

Ipar Euskal Herriko Sorhots rock/metal taldeak 34 ms lehendabiziko lana sareratu du. Zazpi abesti ditu eta osorik entzun daiteke beraien Soundcloud atarian. Aldiz, plataforma digitaletan azaroaren 26an jarriko dute entzungai.

Hauxe duzue azala eta abesti zerrenda:

01. 34ms
02. Geparra
03. FunkyBrouster
04. Zizela
05. Jayño
06. Lurrak du
07. Kalimentxa

Amikuze, Bardoze eta Baionako lau musikarik osatzen dute Sorhots: Bilintx (bateria), Adeline (baxua), Jay (gitarra) eta Pierraño (ahotsa).

Honela aurkeztu digute banda: "Mugarik gabeko rock musika talde bat gara. Metal, rock, funk eta balkanetako erritmoak nahasten ditugu. Plazer hartzeko eta elkartzeko doinuak, zonbait goxuak eta hainbat bortitzak garrasi beltzez beteak. Baterian Bilintxek erritmo aldaketak ateratzen dizkigu, Adelinek gitar apalan groove lodi bat eta Jayk gitarran espaziotik ateratutako riff izugarriak. Abeslaria? Pierraño da, beste mundu batetik etortzen dena bere buru barneko hamasei lagunekin eta hainbat ahots ezberdinekin".