Urkara taldea basotik ateratzen hasi da

Iruñeko Urkara melodic death/black metal bandak estreinako hiru abestiak sareratu ditu. Plataforma digitaletan entzun ditzakezue, eta baita euren Bandcamp atarian ere.

Aldiz, jarraian ikus dezakezue kantetako baten animaziozko bideoa:

2023. urte hasieran sortu zuten Urkara banda. Hasiera batean, Luis (ahotsa eta gitarra) eta Mikel (gitarra) abestiak sortzen eta proiektuari forma ematen aritu ziren. Hilabete batzuk beranduago Iñigok (baxua) bat egin zuen bikotearekin. Duela gutxi Engelbert bateriak osatu du laukotea. Abesti berriak konposatzen ari dira, eta laster xehetasun gehiago emango dituzte.