Urlik bikoteak trilogia osatuko du

Bermeoko Urlik bandak MMXXIV hirugarren lan laburra sareratuko du irailean. Azaletan oinarrituriko trilogia baten hirugarren eta azken atala izango da.

Hiru urtetan hiru lan osatu eta plazaratu dituzte: MMXXII, MMXXIII eta MMXXIV. Bakoitzak izaki bizidun bat du azalean: animalia, zuhaitza eta onddoa, hurrenez hurren.

Aurrekoekin egin moduan, Astelehen Galduak estudioan grabatu eta nahastu dute. Hemen duzue azala eta abesti zerrenda:

01. Ondokarritik ezin irten
02. Ez gara ezer, ez gara inor
03. A, B eta Omega
04. Objetutik subjetura

Bi kidek osatzen dute taldea: Andoni (ahotsa eta gitarra) eta Iker (bateria). Musikalki, muturreko doinuak eta zaratak atsegin dituzte: crust, grindcore, black metal eta hardcorea.

Lehen eta bigarren lan laburrak entzungai dituzue bikotearen Bandcamp atarian:

Urlik - MMXXIII

Urlik - MMXXII