Villabonako Rainbow taberna itxiko dute

Urte bukaeran itxiko dute Villabonako Rainbow taberna. Duela lau urte eta erdi hartu zuen Pablo Eguzkizak, tabernaren hiru hamarkada luzeko ibilbideari jarraipena emateko. Ordea, uzteko unea dela erabaki du.

Rock gogorraren eta heavy metal zaleen txoko estimatuetako bat izan da urtetan. Eguzkizak berak 50 kontzertu baino gehiago antolatu ditu Rainbow-en. Gainera, tabernak Hellbona jaialdiaren sorreran parte hartu zuen.

Agur esateko askotariko emanaldiak prestatu dituzte. Zuzenekoei dagokienez, bi dira iragarri dituztenak. Abenduaren 27an Tolosako Burni Jotzailek taldea ariko da, 20:00etatik aurrera. Abenduaren 28an, berriz, festa pribatua egingo dute Basati eta Meliora bandekin, 19:00etatik aurrera.