Withredd bandaren sormen emariak ez du etenik

Bilboko Withredd prog/djent metal taldeak doinu berriak plazaratzen jarraitzen du. Laukoteak _Why you shouted at me singlea sareratu du plataforma digitaletan. Otsailean argitaratu zuten No Replicant lan laburraren ildokoa bada ere, are borobilagoa dela esan genezake.

Bandak gauzak argi ditu: "Esperimentatzea asko gustatzen zaigu. Talde gisa eta indibidualki lan egiten dugu ditugun gaitasun artistikoak baliatzeko. Horregatik, hasieratik bideoklipak sortu ditugu, baina ez banda kontzeptuari begira. Forma alternatiboen bidez transmititzea da helburua".

No Replicant lan laburreko hiru abesti ikus-entzunezkoekin batera aurkeztu dituzte azken hilabeteotan:

Withredd - Faces

Withredd - Cryo

Withredd - Prevelion

Withredd laukotea Danel Garay (gitarra eta ahotsa), Ander Pena (bateria, sintetizadoreak eta argia), Aitor Gabantxo (baxua) eta Sergio Godoy (gitarra eta saxoa) musikariek osatzen dute.