Withredd taldea lagunen arteko harremanak oinarri dituen diskoa osatzen ari da

Bilboko Withredd alt/prog metal taldeak For You, For I, For Nothing estreinako diskoa kaleratuko du urtea bukatu aurretik. Abestiak banaka aurkezten ari dira osotasun bat lortzeko.

Danel Garay taldeko abeslari, gitarrista eta gidariak lanaren kontzeptua azaldu dio Herriko Burdinari: "Mutilen arteko laguntasunean oinarriturikoa izango da. Harreman mota horri gutxi erreparatu izan zaiola uste dut".

Guztira, lau dira aurreratu dituzten kantak. I daze I daze I daze da laugarrena. Silkat talde bizkaitarreko Alvaro abeslariak parte hartu du. Dagoeneko plataforma digitaletan entzun daiteke:

Beste hiru singleak, hurrenez hurren, jarraian topatuko dituzue:

Withredd - Split

Withredd - Even

Withredd - _Why you shouted at me

Withredd laukotea musikari hauek osatzen dute: Danel Garay (gitarra eta ahotsa), Ander Pena (bateria, sintetizadoreak eta argia), Aitor Gabantxo (baxua) eta Sergio Godoy (gitarra eta saxoa).