Zurbeltz taldeak 'Arimen atseden lekua' irudikatu du

Donostiako Zurbeltz metal bandak Arimen atseden lekua estreinako lan laburra plazaratu du. Grabazioaz Oier Amelibia taldekidea arduratu da, bost abesti ditu eta Itxaso Expositok egindako azal adierazgarri batekin aurkeztu dute.

01. Lamia
02. Amildegira
03. Olatu beltzak
04. Hilerriko maixua
05. Arimen atsedena

Maiatzean Lamia kanta aurreratu zuten, eta, orain, gainerako lau abestiak ere entzungai jarri dituzte.

Lau musikari hauek osatzen dute Zurbeltz: Beñat Outeiral Patuko (ahotsa eta gitarra), Oier Amelibia (gitarra eta koroak), Iker Marban Marbius (baxua eta koroak) eta Jon Fernandez (bateria).