Basati taldeak 'Gaitz ilunen ordua' aurreikusi du

Tolosaldeko Basati heavy metal bandak bigarren diskoaren aurreneko xehetasunak aurkeztu ditu. Gaitz ilunen ordua da bere izenburua, eta Bernardo Riveira artistak egindako azala erakutsi dute.

Lan berria Asuako Chromaticity Studios-etan grabatu dute, eta datozen egunetan informazio gehiago jakinaraziko dute.

Laukoteak 2020an plazaratu zuen taldearen izen bereko estreinako diskoa, eta doinu berriak iritsi bitartean, jarraian entzun dezakezue: