Bourbon Kings bueltan da 'Tonight' kanta berriarekin

Atarrabiako Bourbon Kings nu metal bandak lan berriaren estreinako singlea plazaratu du: Tonight. Kutsu morea eman diote gauari, eta Shouse bikotearen Love Tonight abesti ezagunaren melodia txertatu dute.

Mikel Lebronek errealizatu eta Irantzu Del Vallek zuzendu duen bideokliparekin aurkeztu dute. Leidys Carabante aktorea da protagonista.

Kantaren letrak barreneko mamuei aurre egiteaz hitz egiten du, eta horri aurre egiteko musikaren garrantzia nabarmendu dute. "Esta noche. Aunque solo sea por esta noche, fluiremos juntos. Deja que suceda", dio abestiak.

Laugarren diskoa Art Gates Records zigiluarekin kaleratuko dute nafarrek. Gogoratu behar da aurrez beste hiru lan interesgarri argitaratu dituztela: 40º (2015), Performance (2017) eta XXX (2022).