Dama bandak agur esatea erabaki du

Doneztebeko Dama metal/hardcore taldeak hamabost urteko ibilbideari bukaera emango dio. Hiru disko eta hamaika kontzertu eskaini dituzte, eta beste lau joko dituzte taula gainetik agur esateko.

Hauek dira lekuak eta egunak: Gasteizko gaztetxea (azaroak 8), Hondarribiko Psilocybenea (azaroak 22), Zubieta (azaroak 30) eta Arizkun (abenduak 13). 

Sare sozialetan ohar bat plazaratu dute despedidaren arrazoiak azaltzeko: 

"Oso harro sentitzen gara bidean egin dugunarekin: Miresten dugun jendearekin jotzeko aukera izan dugu, lagun aunitz egin ditugu, momentu ahaztezinak bizitzeko eta besta basatietan parte hartzeko aukera ere izan dugu... Izan ere, Dama-k bizi osorako arrastoa utzi du gure barruan. Ailegatu da momentua, ez dakigu etorkizunean bueltatuko garen, bertze talde berri bat sortuko dugun edo lurrazpian betirako sartuko garen. Bide berriak hartzeko tenorea iritsi da eta bakoitza bere proiektuekin jarraituko du buru-belarri. Eskerrak ematea bertzerik ez zaigu gelditzen, gure soinua maite duenari, gurekin burua astindu duzuen guztioi, babesa eman diguzuenei, milesker! Lau kontzertu ematea bertzerik ez zaigu gelditzen eta hauekin agur errango diogu bidai harrigarri honi, ilusioz eta serioki hartu dugun proiektu honi. Oholtzan hustuko gara!".

Ramontxo, Jones, Iker eta Txomin musikariek osatzen dute Dama, eta beraien Bandcamp atarian topatuko dituzue lan guztiak. 

Dama - Ostikoa muturrean (2013)

Dama - Hil baino lehen (2024)

Dama - Dama (2018)