Izan Bai taldeak 'Barne borroka' abestia estreinatu du

Gipuzkoako Izan Bai heavy metal bandak lehen diskoaren aurrerapen abestia aurkeztu du. Barne borroka da bere izenburua eta Kuku Maitiak egindako bideoklip batekin estreinatu dute.

Ixak Arruti (Mendeku Itxua, Izeberg) abeslari eta gitarristaren abentura berria da:  "Musikalki, etxera bueltatzearen antzekoa izan da. Sustraietara itzuli naiz. Izan ere, proiektu honek heavy metala du oinarri, baina azken urteotan jasotako esperientzia aberasgarriaren eta heldutasun musikalaren emaitza da".

Lagun zein musikari onez inguratu da: Martin Larrañaga (bateria), Ibon Aginaga (gitarra) eta Urtzi Olaziregi (baxua). Aipaturikoen curriculuma ere ez da nolanahikoa: Mendeku Itxua, Soa, Kraussk, Hira eta Kudai, besteak beste.

Lehendabiziko diskoa Zumaiko Ozen estudioan grabatu dute, eta bederatzi abesti izango ditu. 2025. urte hasieran argitaratzea aurreikusten dute.