Sugoi taldea disko berria grabatzen ari da

Elorrioko Sugoi heavy metal banda iraupen luzeko bigarren diskoa grabatzen ari da Asuako Chromaticity Studios-etan. Hain zuzen ere, hamalau urte luze igaro dira Egia? estreinakoa kaleratu zutenetik.

Lan berriak hamar abesti izango ditu, eta 2025ean argitaratuko dute. "Lan asko dugu aurretik, baina ilusio eta gogo askorekin ari gara", adierazi dute.

Dagoeneko bukatu dute bateriaren grabazioa, eta Jandro Camuñas (Vhäldemar, Orion Child ohia) arduratu da horretaz. Izan ere, min hartuta dagoen Txema Quesadaren ordezkoa da bera, osatzen den bitartean. Gainerako taldekideak dira Joseba Flores (ahotsa), Mikel Quesada (gitarra eta ahotsa) eta Mikel Uribe (baxua).

Detaile asko dituzte argitzeko, eta horiek aurrerago iragarriko dituzte.