Titan bandak 'Demiurge' lehen singlea estreinatu du

Lapurdiko Titan heavy metal taldeak urriaren 31n kaleratuko du Lacrimæ Mundi (Adipocere Records) hirugarren diskoa. Hamar abestiko lanaren lehen aurrerapena aurkeztu dute: Demiurge.

Boskoteak adierazi duenez, diskoak "bidaia distopiko batera" eramango ditu entzuleak, eta "gaurkotasunari begirada zirraragarria" eskainiko dio. Iñaki Plaa taldeko bateria jotzailea arduratu da lanaren grabazioaz. Azala, berriz, Frederic Steinmetz artistak egin du.

01. Apophénies
02. Prométhéen
03. Démiurge
04. Technocrature
05. Cernés par les Ruines
06. Le Gambit de Faust
07. Venin Mental
08. Le Sang des Bêtes
09. Melancholia
10. G.I’S Héritage 2025 (Bonus Track)

Kanta berriak aurkezteko hainbat kontzertu eskainiko dituzte. Esaterako, Suhuskuneko Buru Beltz Fest jaialdian izango dira irailaren 14an, eta Baionako Le Magneto aretoan joko dute azaroaren 8an.

Gaur egun, bost musikari hauek osatzen dute: Peio Cachenaut (ahotsa), Sébastien Blanc (gitarra), Romain Larregain (gitarra), Loïc Osogaru Rotureau (baxua) eta Iñaki Plaa (bateria). Hain zuzen ere, Lacrimæ Mundi diskoa izango da Cachenaut (Ikus, Iron eta Maider) abeslari euskaldunarekin plazaratuko duten lehena.